თემა

გოგაშენის წარმოშობის ისტორია

სამიზნე ჯგუფი

II საფეხური, IX კლასი

დრო

ერთი თვე

მნიშვნელობა და აქტუალობა

ეს პროექტი მნიშვნელოვანია იმით რომ მოსწავლეები გაეცნობიან მშობლიური მხარის ისტორიას, გოგაშენში არსებულ ისტორიულ ეკლესიებს. პროექტის თემა ხელს შეუწყობს მოსწავლეებში მსჯელობის უნარისა და ისტორიული ინტერპრეტაციის უნარის გამომუშავებასა და განვითარებას. მნიშვნელოვანია ასევე ისიც რომ შენარჩუნებულ იქნას მოსწავლეთა ინტერესი და მოტივაცია.

მიზნები და შედეგები

მიზანი – ინფორმაციის მოპოვება და ორგანიზება საჭიროები-სამებრ, რათა უკეთ დაინახონ საგარეო ფაქტორების გავლენა საქართველოში მიმდინარე მოვლენებზე. მოიძიონ მათთვის საჭირო და ახალი ინფორმაცია,დაიმახსოვრონ გოგაშენის ისტორიის მნიშვნელოვანი თარიღები,ამ პროექტის შედეგად უფრო მეტად გაეცნობიან საკუთარი ქვეყნის და სოფლის ისტორიას.

შეფასების საგანი

მოსწავლეებს შევაფასებ აქტიურობისა და ჩართულობის მიხედვით. მოსწავლეთა წარმატებაში დაკვირვებისა და ანალიზის ობიექტი შეფასებისას იქნება ინფორმაციის მოძიება, ზეპირი პრეზენტაცია, მსჯელობა, ჯგუფური წერითი სამუშაო.

წინარე ცოდნა

მოსწავლეებმა უნდა იცოდნენ თუ როგორ მოიძიონ ინფორმაცია და ასევე უნდა იცოდნენ გოგაშენის შესახებ ნაწილობრივი ისტორია,რომ შინაარსობრივად დალაგებული და აზრიანი იყოს.

მასალები და ტექნიკური რესურსი

პროექტისათვის საჭიროა კომპიუტერი ინტერნეტი ციფრული ფოტო-აპარატი,პრინტერი რვეული და კალამი

სარგებლობა სხვებისათვის

გოგაშენის ისტორიას მოსწავლეები გააცნობენ მთელ სკოლას.

სასწავლო პროექტის გეგმის მსვლელობა

ნაბიჯი1: გეგმის განსახორციელებლად კლასს გავყოფ სამ ჯგუფად.

ნაბიჯი 2: პირველი ჯგუფის მოსწავლეებს დავავალებ მოიძიონ სოფლის ისტორია ისტ-ის გამოყენებით, მეორე ჯგუფს კი მივცემ დავალებას გაარკვიონ სოფლის ისტორია ბიბლიოთეკის გამოყენებით, მესამე ჯგუფი კი გამოიკვლევს სოფლის ისტორიას სოფლის უხუცესებთან გასაუბრებით.

ნაბიჯი 3: მოსწავლეები ადარებენ ერთმანეთს სხვადასხვა წყაროდან მიღებულ ინფორმაციებს და აკეთებენ საერთო პრეზენტაციას.